Кўп ҳолларда бир қанча хусусиятларни уйғунлаштириш талаб этилади. Плёнкаларнинг тузилмасини ламинациялаш орқали қадоқнинг кенг турдаги махсус вазифаларини намойиш этиш учун танлаб олиниши мумкин.
Бундай материаллар, қадоқлаш маҳсулотининг узоқ муддат сақланиши, юқори механик хоссалари, шикастланишлардан ҳимояланган қатламлараро босма босиш (печать), қадоқнинг ташқи кўринишини яхшилаш каби хусусиятлари туфайли, қадоқ сифатида кенг тарқалган бир қатламлик ва икки қатламлик плёнкали материаллар олдида муҳим афзалликларга эга.
Металланган полимер плёнкалар асосидаги кўп қатламли қадоқлаш материаллари қуйидаги ўзига хосликларга эга:
- газ ўтказиш бўйича юқори даражадаги тўсиқлик хусусиятлари;
• нам ўтказиш бўйича юқори барқарорлик;
• бегона ҳидларга нисбатан юқори барқарорлик;
• қадоқнинг ажойиб ташқи кўриниши;
• қадоқнинг юқори даражадаги мустаҳкамлик хусусиятлари;
• ташқи механик таъсирларга юқори даражада чидамлилик;
• қадоқ пайвандлаш чокининг юқори даражада мустаҳкамлиги.